ಸುಜಾತೆ, ನೀನು ಅಮರ!!

ಓ ವಿಧಿಯೇ ನೀನೆಷ್ಟು ಕ್ರೂರಿ! 

ಆಸರೆಯಾಗಿದ್ದಳು ಅವಳು ನನಗೆ ಅಮ್ಮನಾಗಿ

ಸಖಿಯಾಗಿ, ಸುಖ ದುಃಖ ಹಂಚುವ ಜೀವವಾಗಿ !

ಕಿತ್ತುಕೊಂಡೆಯಲ್ಲ ಒಂದಿಷ್ಟು ಕರುಣೆಯಿಲ್ಲದೆ 

ಓ ವಿಧಿಯೇ ನೀನೆಷ್ಟು ಕ್ರೂರಿ!

ನೆನಪಿಲ್ಲ ನನ್ನ ಬಾಲ್ಯ ಅವಳೊಂದಿಗೆ 

ಜೊತೆಗಿದ್ದಳು ವಯಸಿನಲ್ಲಿ ನನ್ನೊಂದಿಗೆ!

ಸೋತು ನಿಂತಾಗ ಆಶ್ರಯ ಕೊಟ್ಟಳು ಅವಳು ಅಮ್ಮನಂತೆ!

ಹಂಚಿಕೊಂಡಳು ಭಾವನೆಗಳನ್ನ ಜೀವದ ಗೆಳತಿಯಂತೆ! 

ಕಸಿದುಕೊಂಡೆಯಲ್ಲ ಒಂದಿಷ್ಟು ಮಮತೆ ಇಲ್ಲದೆ 

ಓ ವಿಧಿಯೇ ನೀನೇಷ್ಟು ಕ್ರೂರಿ! 

ಕೈಗೆ ಕಾಸು ಕೊಟ್ಟು, ಉಡಲು ಬಟ್ಟೆಕೊಟ್ಟು 

ಬೆರೆತಿದ್ದವಳು ನನ್ನ ನೋವಿನಲಿ, ನನ್ನ ಸಂಭ್ರಮದಲಿ 

ತಪ್ಪು ಮಾಡಿದಾಗ ತಿದ್ದಿ, ಸರಿ ಎನಿಸಿದಾಗ ಕೊಂಡಾಡಿದವಳು 

ಸಂತೋಷದಲಿ !!

ಕರೆದೊಯ್ದೆಯಲ್ಲ ಒಂದಿಷ್ಟು ಮಾನವೀಯತೆ ಇಲ್ಲದೆ 

ಓ ವಿಧಿಯೇ ನೀನೆಷ್ಟು ಕ್ರೂರಿ!

ಮಾತಾಡದ ಮಾತುಗಳಿಲ್ಲ ಹಂಚಿಕೊಳ್ಳದ ವಿಷಯಗಳಿಲ್ಲ 

ಆಲಿಸಿದಳು ನನ್ನ, ಮಗುವಂತೆ , ನೆಚ್ಚಿನ ಸಖಿಯಂತೆ!

ತನ್ನ ಮಕ್ಕಳಿಗೂ ನನಗೂ ಬೇಧವಿರಲಿಲ್ಲ ಅವಳಲ್ಲಿ 

ಪ್ರತಿ ಮಾತಿಗೂ ನೀನು ಗ್ರೇಟ್ ಎನ್ನುತಿದ್ದವಳು 

ಪ್ರತಿ ಕ್ಷಣವು ಬೆನ್ನೆಲುಬಾಗಿ ನಿಂತವಳು !

ಮರೆಯಾಗಿಸಿದೆಯಲ್ಲ ಒಂದಿಷ್ಟು ಕನಿಕರವಿಲ್ಲದೆ 

ಓ ವಿಧಿಯೇ ನೀನೆಷ್ಟು ಕ್ರೂರಿ!

ಮುಂದೆ ನಿಂತು ನೆರವೇರಿಸಿದಳು ನನ್ನ ಪಾಣಿಗ್ರಹಣವ

ಜೊತೆಗಿದ್ದಳು ನನಸಾಗಿಸಲು ಆಸೆಗಳ ಕಣಕಣವ!

ಈಗಲೂ ನೆನಪಿದೆ ನನಗೆ ಅವಳ ಆ ಸಮಾಧಾನದ ಕಿರು ನಗೆ 

ಸಂತೃಪ್ತಿಯಿಂದ ಅವಳು ನನ್ನತ್ತ ಬೀರಿದ್ದ ಮುಗುಳ್ನಗೆ !

ಮಗದಷ್ಟು ನನ್ನ ಎತ್ತರಕ್ಕೆ ಏರಿಸಿದವಳು ಅವಳು

ಧೈರ್ಯ ಸ್ಥೈರ್ಯವನ್ನು ಬಡಿದೆಬ್ಬಿಸಿದಳು ಅವಳು!

ಕೊನೆಯಾಗಿಸಿದೆಯಲ್ಲ ಒಂದಿಷ್ಟು ಭಾವನೆಗಳಿಲ್ಲದೆ! 

ಓ ವಿಧಿಯೇ ನೀನೆಷ್ಟು ಕ್ರೂರಿ!

ಎಂದಿಗೂ ಕರೆದಿರಲಿಲ್ಲ ಅವಳ ಚಿಕ್ಕಮ್ಮನೆಂದು 

ಅಕ್ಕನೆಂದರೆ ಓಗೊಡುತಿದ್ದಳು ಎಂದೆಂದು !

ನೀನು ಮರೆಯಾಗಿರಬಹುದು ಶಾರೀರಿಕವಾಗಿ 

ನೀನೆಂದು ಅಮರ ನನ್ನೊಳಗೆ ಚಿರಾಯುವಾಗಿ! 

ನೀನೊಂದು ಭರಿಸಲಾಗದ ಸಂಪತ್ತು 

ಅನಿರೀಕ್ಷಿತವಾಗಿ ಕರೆದೊಯ್ಯಿತು ಆಪತ್ತು !

ಇಂದಿಗೂ ಅನಿಸಿಲ್ಲ ನೀನಿಲ್ಲವೆಂದು! 

ಕಾಣಿಸಿಕೊಂಡೆಯಲ್ಲ ಸ್ವಪ್ನದಲ್ಲಿ ಜೊತೆಗಿರುವೆನೆಂದು !

ಕ್ಷಮಿಸಿಬಿಡು ಈ ಮಗಳ ನೋವಿಸಿದ್ದರೆ ನಿನ್ನ 

ಚಿರಋಣಿ ನಾನು ಶಾಶ್ವತವಾಗಿ ಮುಚ್ಚುವವರೆಗೆ ಕಣ್ಣ!

ಬಯಸುತಿದೆ ನಿನ್ನ ಕಾಣಲು ಮಗದೊಮ್ಮೆ ನನ್ನ ಮನ 

ಹುಟ್ಟಿಬರುವೆಯ ನನ್ನ ಮಡಿಲ ಕಂದನಾಗಿ ತೀರಿಸಲು ನಿನ್ನ ಋಣ!!!

ಇಂತಿ ನಿನ್ನ ಪ್ರೀತಿಯ 

ಅಶು !!!

ವಿವಾಹ ವಾರ್ಷಿಕೋತ್ಸವ

ದಿನಗಳುರುಳಿದ್ದೇ ಅರಿಯಲಿಲ್ಲ
ಆಗಲೇ ವರುಷ ಒಂದಾಯಿತು ನಮ್ಮ ಪಾಣಿಗ್ರಹಣಕ್ಕೆ!
ಹೊಸ ಬಾಗಿಲ ಹೊಸ್ತಿಲಲಿ ನಿಂತ ಅನುಭವ ಮನಕೆ!
ನಿನ್ನ ಅಪ್ಪುಗೆಯ ಬಿಸಿ ಇನ್ನೂ ಹೊಸದರಂತಿದೆ ನನಗೆ !
ಕಳೆದ ಮೊದಲ ವರುಷ ಅರೆಕ್ಷಣದಂತಿದೆ
ನವ ಮದುಮಕ್ಕಳ ಛಾಯೆ ಹಸಿರಾಗಿದೆ!
ವರುಷಗಳೆಷ್ಟೇ ಕಳೆದರೂ ಇರಲಿ ಈ ಹೊಸತನ!
ವಸಂತಮಾಸದಲಿ ಚಿಗುರೊಡೆಯುವ ಮಾಮರದಂತೆ!!
ಇಂಪಾಗಿರಲು ಬಯಸಿದೆ ಈ ತನು ಮನ!
ಮಾಮರದಲಿ ಕುಳಿತು ಹಾಡುವ ಕೋಗಿಲೆಯಂತೆ!!!
ಬದುಕಿನ ಈ ಜಟಕಾ ಬಂಡಿಯಲಿ
ಜೀವನದ ಜೋಡಿ ಚಕ್ರಗಳು ನಾವು!
ಜೊತೆಯಾಗಿ ನಡೆಯೋಣ ಹಿಮ್ಮೆಟ್ಟುತ ನೋವು!!
ಮುದ್ದಾದಿದೆ ನೀನು ಕಂದನಂತೆ!
ಆರೈಸಿದೆ ನೀನು ತಾಯಿಯಂತೆ !
ಈ ನಿನ್ನ ಮಮತೆಗೆ ಮರುಳಾದೆ ನಾ
ಮರವನು ಬಳಸಿ ಬಿಗಿದಪ್ಪಿದ ಬಳ್ಳಿಯಂತೆ!!!!
ಬೇಡುವುದೊಂದೇ ಭಗವಂತನಲಿ!
ಚಿರಾಯುವಾಗಲಿ ನಮ್ಮ ಸಂಬಂಧ
ಕೊನೆಯುಸಿರಿರುವರೆಗೆ!!!
ಸುಭದ್ರವಾಗಲಿ ಈ ಅನುಬಂಧ!
ಪರಶುರಾಮ ಸೃಷ್ಟಿ ಅಳಿಯುವವರೆಗೆ!!
ಇಂತಿ ನಿನ್ನ ಪ್ರೀತಿಯ
ಅಶು!!!!

ಜನ ಮೆಚ್ಚಿದ ಶಿಕ್ಷಕಿ ನನ್ನ ಜಯವತಿ ಟೀಚರ್!!!!

ಅದೆಷ್ಟೋ ಗಿಡಗಳಿಗೆ ನೀರುಣಿಸಿ
ಹೆಮ್ಮರವಾಗಿಸಿದ ಜೀವ!
ಮುಗುಳ್ನಗೆಯ ಬೀರುತ
ಮರೆಮಾಚಿರುವಿರಿ ನೋವ!!
ಕಂಡೆ ನಿಮ್ಮಲ್ಲಿ ನಾನು ಮಾತೃ ಭಾವ!
ಮನದುಂಬಿ ಕರೆಯಲೇ ಅಮ್ಮ ಎಂದು ನಿಮ್ಮ!
ಜೀವನದ ಹಾದಿಯ ಪ್ರತಿಕ್ಷಣವೂ
ತಿದ್ದಿತೀಡಿದ ಗುರು ನೀವು!
ನಿನ್ನ ಹೆಮ್ಮೆಯ ಕನಸಿನ ಕೂಸುಗಳು ನಾವು!!
ಕಾಡಲಿಲ್ಲ ಗುರುಶಿಷ್ಯರ ಸಂಬಂಧ !
ಅದಾಗಿತ್ತು ತಾಯಿ ಮಕ್ಕಳ ಅನುಬಂಧ!!
ಬೇಡುವುದೊಂದೇ ಆ ಭಗವಂತನಲ್ಲಿ
ಸುಖವಾಗಿರಲಿ ನಮ್ಮಮ್ಮ ಸಂತೋಷದಲಿ!!
ಶುಭ ಹಾರೈಸುವೆ ನನ್ನ ನೆಚ್ಚಿನ ಗುರುವಿಗೆ
ಅರಳಲಿ ಮಗದಷ್ಟು ಮೊಗ್ಗುಗಳು ನಿಮ್ಮ ನಗುವಿಗೆ!!
ಜಗ ಬೆಳಗಿಸುವ ಸೂರ್ಯನ ತೇಜಸ್ಸು
ಜೀವನ ಬೆಳಗಿಸಿದ ಈ ಗುರುವಿನ ಮನಸ್ಸು
ಎಂದಿಗೂ ಚಿರಾಯುವಾಗಿರಲಿ, ಸುಖವಾಗಿರಲಿ !!
ಇಂತಿ ನಿಮ್ಮ ಮಗಳು
ಅಶು !!!

On request from one of my friend!

ಅವಳ ದನಿಗೆ ಅವನು ಮನಸೋತಾಗ
ಕಾಣದ ಹೃದಯಕ್ಕೆ ಅವನು ತಲೆಬಾಗಿದಾಗ
ಅರಿತು ಅರಿಯದೆ ತಾ ಕುರುಡು ಪ್ರೇಮಿಯಾದಾಗ
ಕಾಣದ ಬೆಳದಿಂಗಳ ಕಗ್ಗತ್ತಲ ಬಾನಲ್ಲಿ ಹುಡುಕಿದಂತಾಯಿತು!
ಇದು ವಿಧಿಯ ವಿಪರ್ಯಾಸವೋ ಅಲ್ಲ ಅವನ ಮೊಂಡುತನೋ
ಅವನಿಗೆ ಅರಿಯದೆ ಅವಳು ಅವನ ಮನಸ ಅವರಿಸಿದಳು
ಅವಳ ಕಾಣಬೇಕೆಂಬ ಹಂಬಲ ಮುಗಿಲೇರಿದಾಗ
ಅವಳಿಗೂ ಆ ಕುತೂಹಲ ಕೆರಳಿದಾಗ
ಕಾಣದ ಎರಡು ಜೀವಗಳು ಮುಖ ಮುಖಿಯಾದಂತಾಯಿತು!!
ಪ್ರತಿ ಕ್ಷಣ ಪ್ರತಿ ದಿನ ಅವರಿಬ್ಬರೂ ಹತ್ತಿರವಾದಾಗ
ತನ್ನ ಮನದಾಸೆಯ ಅವಳಲ್ಲಿ ಹೇಳಿದಾಗ
ಅದಕ್ಕೊಪ್ಪಿ ಅವಳು ಅವನ ಮನಸ  ಮತ್ತಷ್ಟು ಆಕ್ರಮಿಸಿದಂತಾಯಿತು!!
ಹುಚ್ಚನಾದವನು ಅವಳ ಪ್ರೀತಿಯಲ್ಲಿ
ಮುಳುಗಿ ಏಳಲಾರದೆ ಅವಳ ಸ್ನೇಹದ ಕಡಲಲ್ಲಿ!!
ನಂಬಿದ್ದ ಅವನು ಅವಳನು ಅವನ ನೆರಳಂತೆ!
ಮೋಸ ಮಾಡದು ನೆರಳು ಜೊತೆಗಿರುವಂತೆ!
ಮರೆತನವನು ನೆರಳು ಸಹ ಕಣ್ಮರೆಯಾಗಬಹುದು
ಗ್ರಹಣಕ್ಕೆ ಸಿಕ್ಕ ಶಶಿಯಂತೆ!!!
ಕ್ಷಮಿಸಿದನು ಅವಳನು ಮತ್ತೂ ಮತ್ತೂ
ಮಾಡಿದ ತಪ್ಪನು ಅವನೊಳಗೆ ಅರಗಿಸಿಕೊಂಡು
ಅವಳ ಮೇಲಿನ ಪ್ರೀತಿಎಂಬ ಅಮೃತದ ತುತ್ತು
ವಿಷವಾದಾಗಲೂ ನಂಬಿದ್ದ ನೀಲಕಂಠನಂತೆ!
ಮರುಳನಾದನು ಅವನು ಅವಳ ನೆನಪಲಿ
ಅವಳ ಬಯಸಿ ಅವಳೊಳಗಿನ ಪ್ರೀತಿಯ ಅರಸಿ !
ಅಡ್ಡಿಯಾಗಲಿಲ್ಲ ಅವನಿಗೆ ಅವಳ ತಪ್ಪುಗಳು
ಕಾರಣ ಶರಣಾಗಿದ್ದವು ಅವನ ತನು ಮನಗಳು
ಕಲ್ಲೇಟಿಗಿಂತ ನೋವು ಕೊಟ್ಟಿದ್ದವು ಅವಳ ಆ ನಡವಳಿಕೆ
ಮರೆತರು ಕಣ್ಣೆದುರು ಬರುತಿದ್ದಳವಳು ಅನುಘಳಿಗೆ !
ಭುಗಿಲೆದ್ದಿತು ಅವನೊಳಗಿನ ತಾಳ್ಮೆಯ ಕಣಗಳು
ಸ್ಫೋಟಿಸಿತು ಅವನೊಳಗಿನ ಜ್ವಾಲಾಮುಖಿಯ ಅಣುಗಳು !
ಮುತ್ತಿಡ ಬಯಸಿದ ತುಟಿಗಳು ಅವಳ ಕಂಡು ಉಗಿಯುತು
ಆಲಂಗಿಸಬೇಕಾಗಿದ್ದ ಆ ಕೈಗಳು ಅವಳ ಕಂಡು ಉರಿಯುತು!!
ಅವನು ಮಾಡಿದ್ದ ಅಂದೊಂದು ದಿನ ಧೃಡ ನಿರ್ಧಾರವನು
ಹಿಚುಕಿ ಸಾಯಿಸಿದ್ದ ತನ್ನೊಳಗಿನ ಆಸೆಯನು!!
ಅವಳ ಮೇಲಿನ ಪ್ರೀತಿ ಪ್ರತಿ ಕ್ಷಣ ದ್ವೇಷವಾಗಿ
ಮುನ್ನುಗ್ಗಬೇಕೆಂಬ ಹಠ ಬಲವಾಗಿ
ವರುಷಗಳೇ ಕಳೆದರೂ ರೋಷ ಹಠವಾಗಿ!!
ಸಾಗುತಲಿದೆ ಜೀವನ ನಿರ್ಭಯವಾಗಿ!!!!
ಇಂತಿ ನಿನ್ನ
ನೊಂದ ಮನಸು!!

ಮತ್ತೆ ನಾ ಪದಗಳ ಬೆನ್ನೇರಿದಾಗ!!

ಸಮುದ್ರದ ಅಲೆಗಳು ಮೆತ್ತಗೆ ಮುತ್ತಿಟ್ಟ ಹಾಗೆ
ಸೂರ್ಯನ ಕಿರಣಗಳು ಬೆಚ್ಚಗೆ ಸ್ಪರ್ಶಿಸಿದ ಹಾಗೆ
ತಂಪಾದ ತಂಗಾಳಿಗೆ ಮರ ತಲೆದೂಗಿದ ಹಾಗೆ
ನಾ ಮತ್ತೆ ಬರೆಯಬೇಕೆಂಬ ಆಶಯ !!
ಮರಕ್ಕೆ ಬಳ್ಳಿ ತಬ್ಬಿಕೊಂಡಂತೆ ಆಶ್ರಯಕ್ಕಾಗಿ
ನಾನು ಮಗ್ನಳಾದಂತೆ ಸಂಸಾರದ ಸುಗಮಕ್ಕಾಗಿ
ಅದೆಷ್ಟೋ ಸನ್ನಿವೇಶಗಳು ನನ್ನ ಬರವಣಿಗೆಗೆ ಸ್ಪೂರ್ತಿಯಾದವೋ
ಮಗದೆಷ್ಟೋ ನೆನೆನಪುಗಳು ಮುನ್ನುಡಿಯಾದವೋ
ಹಿಂದಿರುಗಿ ನೋಡಿದಾಗ ನಾ ಕಂಡುಕೊಂಡಿದ್ದು
ಬರಿ ಅನುಭವಗಳ ಅಕ್ಷರ ಪುಂಜಗಳಷ್ಟೇ!!
ಬದುಕಿನ ಹಾದಿಯಲ್ಲಿ ನೆನಪುಗಳ ಮೈಲುಗಲ್ಲು
ಸ್ಪೂರ್ತಿಯಾದವು ಅದೆಷ್ಟೋ ಅನುಭವಗಳು!
ಧೃತಿಗೆಡಲಿಲ್ಲ ಇಂದಿಗೂ ಕಂಡು ಅದೆಷ್ಟೋ ಬಿರುಗಾಳಿಯ
ಎಲ್ಲದಕ್ಕೂ ಇರುವುದೊಂದು ದಿನ ಎಂಬ ಬೃಹತ್ ಮಹದಾಶಯ!
ನಾ ನಿರ್ಮಿಸಿದ ಸ್ವಪ್ನ ಲೋಕದಲ್ಲಿ ರಾಣಿಯಂತೆ
ಬಂಗಾರದಂದ ಸಿಂಧೂರ ಕೊಂಟ್ಟವನ ಪಟ್ಟದರಸಿಯಂತೆ
ನೂರಾರು ವರುಷ ಸುಖವಾಗಿರಲು ಬಯಸಿದೆ ಈ ಮನ
ಹಾರೈಕೆ ಇರಲಿ ತಮ್ಮಿಂದ ಅನುದಿನ!!
ಇಂತಿ ನಿನ್ನ ಪ್ರೀತಿಯ
ಅಶು!!!