ಕಾಣದ ಮನಸ್ಸು!!

ಬಹಳ ದಿನಗಳ ಬಳಿಕ ಬರಯಲು ನಾ ಕುಳಿತೆ
ಮನದ ಮೌನವ ಸಂತೈಸುವ ತವಕದಲಿ!
ಮನದಾಳದ ಮೌನಿಯ ಪುಟವ ತೆರೆದಿಡಲು!!
ವ್ಯತ್ಯಾಸವಿಲ್ಲದ ಕವಿತೆಗಳು
ಅದೇ ಹಳೆ ನೋವುಗಳು!!
ವಿಶೇಷವಿಲ್ಲದ ದಿನಗಳವು
ಕಂಡುಕಾಣದ ಪಯಣಗಳು!!
ಸಾಗುತಿರುವ ಭರದಲ್ಲಿ ಮರೆತು ನೆನಪಿಸಿಕೊಂಡ ಕ್ಷಣ
ಕಣ್ಣೀರಿಟ್ಟೆ ನಾ,ಹಿಂದಿರುಗಿ ನೋಡಿದಾಗ ಆ ದಿನ!!
ನೆನಪುಗಳ ಸರಮಾಲೆ ಮಗದೊಮ್ಮೆ ಕೂಗಿದಾಗ
ಬಳಸಿ ನನ್ನ ಬಿಗಿದಪ್ಪಿದಾಗ!!
ಕಲ್ಲು ಮನಸ್ಸು ಮತ್ತೆ ಹೂವಾಗಿ ಅರಳಿ
ಮತ್ತದೇ ಲೋಕಕ್ಕೆ ಆಮಂತ್ರಣಕ್ಕೊಪ್ಪಿ
ಬರಮಾಡಿಕೊಂಡಂತೆ ಧರಣಿ!!!
ಮರೆತುಬಿಟ್ಟೆ ನಾ ವಾಸ್ತವದ ಅರಿವಿಕೆಯನು
ಮರುಳಾಗಿ ಸ್ವಪ್ನಲೋಕದ ಸವಿ ನೆನಪಪುಗಳಿಗಾಗಿ!!
ಬರೆಯಲು ಕುಳಿತ ಕೈಗಳು,ತಟಸ್ಥವಾಗಿ
ಕಾಯುತಿಹುದು ಮನಸಿಗಾಗಿ,
ಆರಂಭಿಸಿ ಬಿಟ್ಟುಹೋದ
ಕವಿತೆಯ ಪೂರ್ಣಗಳಿಸಲು,
ಮಧುವ ಹೀರಿ ಹಾರಿ ಹೋದ ದುಂಬಿಗಾಗಿ
ಕಾಯುತಿರುವ ಸುಮದಂತೆ!!!!!

ಇಂತಿ ನಿನ್ನ ಪ್ರೀತಿಯ
ಅಶು!!!!!!!